16

Paz, xustiza e institucións sólidas

RCE Basque Country-Navarre promulga un manifesto polo ODS 16

31 de Xaneiro de 2024 por samuel

O 26 de xaneiro de 2024, o Regional Centre of Expertise (RCE) on Education for Sustainable Development Basque Country-Navarre emitiu un manifesto, en liña cos doutras moitas institucións, para esixir un cesamento do fogo total nos conflitos bélicos existentes e apoiar unhas negociacións que fornezan unha paz completa e sólida.

O RCE Basque Country-Navarre é unha rede de organizacións vinculadas á educación formal, non formal e informal, que busca promover unha aprendizaxe encadrada no desenvolvemento sostible en Euskal Herria. O RCE é unha ferramenta parte do Programa de Acción Global da UNESCO en Educación para o Desenvolvemento Sostible (EDS) para 2030 que propón solucións aos desafíos da sostibilidade a nivel local e rexional, e interactúa a nivel mundial. 

Como parte da rede internacional de polos rexionais de excelencia en educación para o desenvolvemento sostible da Universidade das Nacións Unidas, e comprometido co Obxectivo de Desenvolvemento Sostible 16, Paz, Xustiza e Institucións Sólidas, que busca promover sociedades máis xustas e inclusivas, o RCE Basque Country-Navarre apela ás Nacións Unidas e ás institucións internacionais competentes para facilitaren e garantiren as directrices establecidas nos acordos adquiridos nesta materia.

Esta iniciativa xurdiu do debate e o consenso, tanto explícito coma tácito, das diferentes institucións que conforman esta rede, constituíndo a redacción deste documento un punto de inflexión no proceso de integración desta rede de entidades e enfatizando o seu compromiso cos ODS, a Paz Mundial e as institucións internacionais.

O grupo de organizacións que asinaron o manifesto ODS 16

Os integrantes do RCE Basque Country-Navarre e promotores deste manifesto son os seguintes: Egibide, Lauro Ikastola, Departamento de Desarrollo Económico, Sostenibilidad y Medio Ambiente GV, a través da Viceconsejería de Sostenibilidad Ambiental, Coordinadora de ONGDs de Navarra, Cátedra de Patrimonio Lingüístico Mundial UPV/EHU, Cátedra de Paisajes Culturales UPV/EHU, Cátedra de Desarrollo Sostenible y Educación Ambiental UPV/EHU, UN Etxea, Asociación eCivis, Asociación Zabalketa, Misiones Salesianas, Asociación  El Buen Vivir, Geoparque Costa Vasca,  Zumaiena Ikastetxea, BBK Kuna,  BizkaiaKOA, Ayuda en Acción Euskadi, Museo de Ciencias Universidad de Navarra (UNAV), Transbordador de Bizkaia, Ikastola Seber Altube, Ortzadar, Centro Formativo Otxarkoaga, EDE Fundazioa, Albaola Itsas Kultur Faktoria, Mancoeduca, Alboan, Fundación Arizmendiarrieta, Centro de Formación Somorrostro, Consejo Vasco de la Juventud (EGK), ESTIA Institute of Technology, MTA Mondragon Unibertsitatea, Planetario de Pamplona, Asociación Red Navarra de Aprendizaje y Servicio Solidario (RedAySS), Cátedra UNESCO de Recursos Humanos Universidad de Deusto, ACLIMA Basque Environment Cluster, Arazi, Carmelitas Sagrado Corazón Ikastetxea, Agencia Vasca de Cooperación al Desarrollo (eLankidetza), Economistas sin Fronteras (EsF) Euskadi, Lauaxeta Ikastola, Jesuitas Bilbao Ikastetxea, Jóvenes y Desarrollo ONGD Salesiana, Asociación Moviltik, Mundukide Fundazioa, Organización Navarra para Ayuda entre pueblos (ONAY), ONGD Solidaridad, Educación y Desarrollo (SED), Planetario de Pamplona e UNRWA Euskadi.

---