Presentado o documento “A situación actual da educación para o desenvolvemento sostible e a educación para a cidadanía mundial”

27 de Abril de 2023 por Canopus

Conclusións da sétima consulta sobre a aplicación da Recomendación sobre a Educación para a Comprensión, a Cooperación e a Paz Internacionais, e a Educación relativa aos Dereitos Humanos e as Liberdades Fundamentais (1974)

1. Case todos os países indican que a educación para o desenvolvemento sostible
   (EDS) e a educación para a cidadanía mundial (ECM) se reflicten nas leis e políticas nacionais de educación, nos plans de estudos, na formación de docentes e na avaliación dos alumnos.
2. A EDS e a ECM reflíctense con bastante menos frecuencia no ensino e na formación técnica e profesional (EFTP), ou na educación de adultos.
3. Os temas relacionados coa aprendizaxe da convivencia reflíctense
   con máis frecuencia nas leis e políticas ca os relacionadas coa aprendizaxe sobre estilos de vida sostibles.
4. A educación sobre o cambio climático e o consumo e a produción sostibles reflíctese con menos frecuencia ca outros temas nos currículos e na formación de docentes, respectivamente.
5. A EDS e a ECM reflíctense con maior frecuencia na educación primaria e secundaria, e con menor frecuencia na educación preescolar.
6. Na educación primaria e secundaria, os temas relacionados coa aprendizaxe da convivencia abórdanse con maior frecuencia nas materias de ciencias sociais, ética e educación cívica. Os temas relacionados coa aprendizaxe sobre estilos de vida sostibles abórdanse con maior frecuencia nas materias de ciencias, ciencias sociais, xeografía e educación cívica.
7. Os países indican que o profesorado ten formación en EDS e ECM.
8. A EDS e a ECM acostuman incluírse na formación de docentes e en
   avaliacións do alumnado, aínda que a avaliación dos valores,
   as actitudes e os comportamentos é menos habitual ca a dos coñecementos e as competencias.
9. O apoio público á investigación sobre EDS e ECM é limitado.
10. Os países están a tomar algunhas medidas para promoveren a cooperación internacional en materia de EDS e ECM.

---