Categoría: Sin categoría

A xornada do 2 de decembro estivo dedicada á presentación de TxikiLinux e as aplicacións instaladas neste sistema operativo: ferramentas ofimáticas ( LibreOffice ) e aplicacións dirixidas á educación primaria para desenvolver, a través do xogo, habilidades no uso do teclado e do rato ( KimuDigitalak – PoussesNumériques – DigitalSprouts ).

A formación foi impartida polo profesor Ahmednah na sala de reunións do concello de El Mina , un municipio urbano do oeste de Mauritania . Á sesión asistiron profesores de escolas que participan no programa ASF-2025-Mauritania, así como técnicos informáticos locais.

Agradecemos ao Concello de El Mina e á profesora Ahmednah de Solidarité pour Développement Social – SDS a súa colaboración e implicación no proxecto, sen os cales estes obradoiros de formación non serían posibles.

Seguimos e seguiremos traballando e soñando…
Sen fronteiras

La jornada de formación en Mbam muestra la fuerza de la colaboración local e internacional. Por la mañana trabajamos con el profesorado del Lycée de Mbam y de cuatro colegios de la zona, centrando la sesión en la formación técnica: instalación y configuración de las impresoras donadas por Osakidetza —enviadas junto al resto del material en junio dentro del proyecto Aulas Sin Fronteras—, mantenimiento básico de cabezales, cambio de cartuchos y manejo de las cajas de limpieza.
También generamos unidades de instalación con Ventoy y realizamos prácticas directamente sobre varios equipos, fortaleciendo así la autonomía técnica del profesorado.

Á tarde, reunímonos con docentes de educación infantil para profundar nas ferramentas instaladas en TxikiLinux-ASF ( KimuDigitalak / PoussesNumériques), pensadas para iniciar o alumnado no uso do rato e do teclado a través do xogo. A participación foi moi activa e o interese por integrar ferramentas dixitais libres na aula continúa a medrar cada día. Ademais, instalouse durante a xornada o cabo Ethernet para a futura aula informática do liceo, un paso máis para que o centro poida aproveitar ao máximo os puntos wifi cedidos pola Universidad de Mondragón e reacondicionados coa colaboración de BIKONET , Tolosaldea e Arizmendi .

Continuamos a construír pontes. Continuamos a aprender xuntos.
Sen fronteiras.

Queres descubrir ideas para reverdecer a túa escola?
Apeteceríache ver exemplos reais e obter inspiración lista para aplicar? Gustaríache informarte de todo o que estamos a facer no proxecto Green Cool Schools?

Entón… este webinario é para ti!

Convidámoste ao encontro en liña “Reverdece a túa escola!”, que terá lugar o 1 de decembro ás 16:30.
Só durará 30 minutos, pero asegurámosche que volverás cunha chea de ideas, recursos e exemplos prácticos para transformares o teu centro nun espazo máis verde, saudable e sostible.

Máis información: https://agenda21trinitarias.blogspot.com/2025/11/colideramos-el-webinar-reverdece-tu.html

📅 Data: Luns, 1 de decembro
🕟 Hora: 16:30 (duración: 30 minutos)

Se queres participar, só tes que inscribirte aquí: https://events.teams.microsoft.com/event/24c01f26-73db-455a-b232-13523465c567@b85a15eb-1d5f-449e-93d8-77a9cba50013

O pasado venres, 31 de outubro, o equipo de Aulas Sen Fronteiras visitou a rexión de Tinghir para se reunir co delegado de Educación, Mohamed Ben, quen mostrou un sincero interese polo desenvolvemento do proxecto en Errachidia e o seu impacto na comunidade educativa. A conversa abriu novas vías de colaboración e reafirmou a importancia de unir forzas para que a dixitalización educativa avance tamén nesta zona do sur de Marrocos.
Durante a xornada, tamén se instalaron dúas impresoras e un punto de acceso wifi nun instituto local, reforzando a conectividade e os recursos do profesorado e o alumnado.

Agradecemos profundamente a implicación do delegado Mohamed Ben e de todas as persoas que, co seu apoio, fan posible que a cooperación educativa siga a medrar.

Continuamos e continuaremos a traballar e soñar.
Sen fronteiras.

O proxecto Aulas Sen Fronteiras, impulsado por Elkartenet, chegou a Errachidia para poñer en marcha novas aulas dixitais e fortalecer a cooperación educativa.
Do 27 ao 31 de outubro de 2025, o Instituto Secundario Ahmed Oubahdou de El Maadib acolleu obradoiros prácticos e sesións de formación dirixidas ao profesorado da comunidade educativa local.

O equipo de Elkartenet preparou a aula de informática do Instituto de Mellab, instalando cablaxe Ethernet e un punto wifi doado pola Universidad de Mondragón, renovado coa colaboración de Bikonet e do alumnado en prácticas de Tolosaldea Institutua, Harrobia Ikastola e Arizmendi Ikastola.

Durante estes días, profesorado e alumnado traballaron xuntos arredor do sistema TxikiLinux-ASF compartindo experiencias e coñecementos. As xornadas desenvolvéronse nun ambiente de cooperación, aprendizaxe e entusiasmo compartido.
O noso agradecemento especial a Redouane Chakouch, da asociación Agharas, polo seu apoio e acompañamento sobre o terreo.

Continuamos e continuaremos a traballar e soñar.
Sen fronteiras.

Como parte do proxecto Aulas Sen Fronteiras, comezamos a nosa estadía na República Democrática do Congo, na provincia do Congo Central, na cidade de Lukula. Durante 10 días, acompañaremos o profesorado local co obxectivo de fortaleceren as súas competencias dixitais e abrir novas oportunidades para o alumnado. Queremos destacar especialmente o apoio da asociación Cardi, cuxa colaboración fixo posible que esteamos hoxe en Lukula a desenvolver esta formación. O seu compromiso coa educación e coa comunidade local é un exemplo de traballo transformador no territorio.

A primeira sesión celebrouse na sala Cardi de Lukula, onde traballamos en dous aspectos fundamentais:

• Coñecer o sistema operativo TxikiLinux-ASF: exploramos a súa configuración e axustes, desde o máis básico ata detalles coma o cambio de idioma, para que cada docente poida personalizalo segundo as súas necesidades.
• Educación infantil – Pousses Numériques (KimuDigitalak): presentamos a proposta educativa con equipos reacondicionados Toshiba Satellite e compartimos unha programación didáctica base, deseñada como modelo para que cada docente a adapte ao seu alumnado.

Alén do técnico, estas formacións son unha oportunidade para o encontro e a aprendizaxe mutua. A motivación do profesorado ao descubrir novas formas de ensinar con ferramentas dixitais é palpable e confirma que este traballo conxunto paga a pena.

O noso desexo é claro: que esta formación sexa útil, práctica e transformadora, que inspire os e as docentes de Lukula e que semente novas posibilidades para o seu estudantado.

Continuamos a traballar. Continuamos a soñar.
Sen fronteiras.

O obradoiro sobre artivismo termina cunha acción de guerrilla da comunicación no Día Mundial da Educación Ambiental.

Nun mundo saturado de información e estímulos, a creatividade pode ser a nosa aliada para promovermos a reflexión e transformarmos a sociedade.

O alumnado da materia de Competencias Dixitais do IES Valle Inclán de Pontevedra participou nun obradoiro centrado no Artivismo como ferramenta para a transformación social, impartido polas nosas socias de Agareso, unha ONGD especializada en comunicación social. A actividade, financiada pola Secretaría de Estado para la Agenda 2030, encádrase no proxecto Futuro en Común.

O obradoiro comezou en novembro de 2023 e consistiu en tres sesións de formación en que o alumnado aprendeu técnicas como a da guerrilla de comunicación ao mesmo tempo que traballou sobre valores coma a xustiza social, o coidado do medio ambiente e a responsabilidade que temos como sociedade de construírmos un futuro máis xusto.

Artivismo, a creatividade como ferramenta de transformación social – Coordinadora Galega de ONG para o Desenvolvemento (galiciasolidaria.org)

A Cátedra UNESCO de Patrimonio Lingüístico Mundial da UPV e a Corporació Catalana de Mitjans Audiovisuals crearon, mediante un acordo de colaboración, unha serie de animacións baseadas en contos populares, en catalán e éuscaro.

O 21 de febreiro, Día Internacional da Lingua Materna, tivo lugar a presentación oficial do proxecto. No seu sitio web:

https://www.ehu.eus/eu/web/mho-unesco-katedra/ama-hizkuntzaren-nazioarteko-eguna-2024

encontraredes as animacións e máis información sobre o proxecto.